Author: Jandesh Nepal

जनादेश, काठमाण्डौ राष्ट्रपति विद्यादेवी भण्डारीसँग प्रधानमन्त्री तथा नेपाल कम्युनिष्ट पार्टी (नेकपा) का अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’ले आज साँझ भेटवार्ता गर्नुभएको छ । पार्टीको सचिवालय बैठक सकिएलगत्तै अध्यक्षद्वयले राष्ट्रपति भवन शीतलनिवास पुगेर भेटघाट गर्नुभएको हो । भेटवार्ताका क्रममा मुलुकको समसामयिक विषयमा छलफल भएको जनाइएको छ । नेकपाको शीर्ष तहमा देखिएको विवाद समाधानका लागि छलफल जारी रहेका बेला आज सचिवालय बैठकसमेत बसेको थियो । आजको सचिवालय बैठक सङ्कट समाधानका लागि सकारात्मक दिशातर्फ अघि बढेको जनाइएको छ । नेकपाका प्रवक्ता नारायणकाजी श्रेष्ठले आजको बैठकले पार्टीमा देखिएको सङ्कट समाधान गर्न छलफल जारी राख्ने निष्कर्ष निकालेको जानकारी दिनुभएको छ । शीर्ष नेताबीच सरकार र पार्टी सञ्चालनका विषयमा एकमत नहुँदा यसअघि पटकपटक स्थायी कमिटी बैठक स्थगन हुँदै आएक

जनादेश, काठमाडौं । सत्तारुढ दल नेपाल कम्युनिस्ट पार्टी (नेकपा) का अध्यक्ष एवं प्रधानमन्त्री केपी शर्मा ओलीले मंसीरमा महाधिवेशन गर्ने नयाँ प्रस्ताव अघि सारेपछि पार्टीभित्र अनावश्यक रुपमा तानिइरहेको बहसले एकाएक नयाँ मोड लिएको छ । प्रम ओली पार्टी र सरकार दुवै सञ्चालनमा असक्षम रहेको बताउँदै दुवै जिम्मेवारीबाट राजीनामा दिन माग गर्दै कहिले स्थायी समिति त कहिले पार्टी सचिवालयको वैठक अदलीबदली बसिरहेका बखत प्रम ओलीको मंसीरमा अधिवेशन गर्ने प्रस्तावले सबैलाई आश्चर्यमा पारिदिएको छ । पार्टीका अर्का अध्यक्ष पुष्पकमल दाहालसहितका बहुमत नेताहरुको मागलाई अस्वीकार गर्दै आएका ओली अध्यक्ष र प्रधानमन्त्री दुबै पद नछाड्ने अडान छन् । शनिबार बालुवाटारमा बसेको सचिवालय बैठकमा प्रम ओलीले पार्टीको एकता महाधिवेशन मंसीरमै गर्ने प्रस्ताव गरेपछि उक्त प्रस्ताव सचिवालयमा निल्नु न ओकल्नु भएको थियो । तर सचिवालय सदस्यहरुले

जनादेश, काठमाडौँ  कोभिड–१९ को जोखिमका समयमा सरकारले तोकेको स्वास्थ्य मापदण्ड पालना नगरी बढी यात्रु बोकेका सार्वजनिक सवारीलाई आज कारवाही गरिएको छ । महानगरीय ट्राफिक प्रहरी महाशाखाले उपत्यकामा स्वास्थ्य मापदण्ड नअपनाई सञ्चालन भएका ३० सार्वजनिक सवारीलाई कारवाही गरेको हो । कोभिड–१९ को सङ्क्रमण जोखिम कायमै रहेका बेला तोकेको स्वास्थ्य मापदण्ड पूरा नगरी सञ्चालनमा आएका सार्वजनिक यातायातको विशेष जाँच अभियान चलाउँदा ती सवारी कारवाहीमा परेको महाशाखाका प्रमुख प्रहरी वरिष्ठ उपरीक्षक भीमप्रसाद ढकालले जानकारी दिनुभयो । दिनभर नियन्त्रण लिई आगामी दिनमा गल्ती नगर्ने शर्तमा छाडिएको र अर्काे पटक पनि फेला परेमा थप कारवाही गरिने ढकालले बताउनुभयो । सार्वजनिक यातायातमा चढ्ने सबै यात्रुले मास्क लगाउनुपर्ने, स्यानिटाइजर प्रयोग गर्नुपर्ने, चालकले पञ्जासहित मास्क पनि लगाउनुपर्ने, सिटको एक लहरमा एक जना

जनादेश, इलाम पूर्वप्रधानमन्त्री झलनाथ खनालको शब्द रहेको गीतको म्युजिक भिडियो सार्वजनिक भएको छ । इलामको सेरोफेरोलाई समेटेर पूर्वप्रधानमन्त्री खनालले रचना गर्नुभएको ‘इलाम हाम्रो चियाबारी राम्रो’ बोलको गीतको म्युजिक भिडियो सार्वजनिक भएको हो । इलामका बिभिन्न पर्यटकीय र प्राकृतिक ठाउँको वर्णन गरिएको सो गीतमा चर्चित गायक यम बरालको स्वर रहेको छ । मिलन तिमल्सिनाको सङ्गीत रहेको उक्त गीतको एरेन्ज दिनेश राजवाहकले गर्नुभएको छ । द पेक डिजिटल रेकर्डिङ स्टुडियोमा रेकर्ड भएको उक्त गीत डाइनामिक मल्टीमिडियाको व्यानरमा निर्माण गरिएको छ । गीतको निर्देशन राज केसीले गर्नुभएको छ । इलामको सन्दकपुर, माईपोखरी, कन्याम, अन्तु, इलाम चिया बगानजस्ता क्षेत्र समेटिएको गीतको भिडियोमा कृष्ण भट्टराई, प्रमोद रावल, अविषेक गुरुङ, कपिल बुढाथोकी, सन्तोष लोहार, मुकेश घतानी, पूर्णिमा थामी र आरोही श्रेष्ठले अभिनय

जनादेश, काठमाडौँ । नेपाली काँग्रेसका वरिष्ठ नेता रामचन्द्र पौडेलले आरोहणका माध्यमबाट नेपालको पहिचानलाई विश्वसामु पु¥याउन सक्रिय भूमिका निर्वाह गर्न किर्तिमानी आरोहीहरुलई आग्रह गर्नुभएको छ । नेपाली काँग्रेस प्रवेश गरेका पर्वतीय पर्यटन क्षेत्रका व्यवसायी तथा आरोहीको आज यहाँ आयोजित स्वागत कार्यक्रममा उहाँले सो धारणा व्यक्त गर्नुभएको हो । सर्वोच्च शिखर सगरमाथालगायत हिमाल आरोहणमा कीर्तिमान कायम गरेका विभिन्न ३१ आरोही काँग्रेस प्रवेश गरेका हुन् । वरिष्ठ नेता पौडेलले व्यक्तिगतभन्दा पनि व्यावसायिक हितमा दृढतापूर्वक लाग्न आग्रह गर्दै साहसिक पर्यटन नेपालको विशिष्ट पहिचानसँग जोडिएको र यो विदेशी मुद्रा आर्जन गर्ने महत्वपूर्ण माध्यम भएको उल्लेख गर्नुभयो । हाँले नेपालको पर्वतारोहण क्षेत्रलाई व्यवस्थित र गुणस्तरीय बनाउनेतर्फ पनि युवा आरोहीले भूमिका खेल्नुपर्नेमा जोड दिनुभयो । वरिष्ठ नेत

नवलपरासी । नवलपरासी जिल्ला फुटबल संघले जिल्लाका ३१ पूर्व खेलाडीलाई राहत वितरण गरेको छ । जिल्लाबाट विभिन्न प्रतियोगिता खेलेका २६ पुरुष र ५ महिला खेलाडीलाई राहत वितरण गरिएको थियो । कोभिड १९ का कारण देशमा भएको लकडाउनका कारण आर्थिक कठिनाई परेको भन्दै फिफाको सहयोगमा अखिल नेपाल फुटबल संघ (एन्फा) लाई एकमुष्ट ७५ हजार रुपैयाँ उपलब्ध गराएको थियो । पूर्व खेलाडीले जनही ३ हजारका दरले राहत पाएका छन् । जिल्ला संघले आफ्नोतर्फबाट १९ हजार रुपैयाँ थपेर खेलाडीलाई राहत वितरण गरेको जनाएको छ । नवलपरासी जिल्ला फुटबल संघका अध्यक्ष धनप्रसाद गुरुङले खेलाडीलाई राहत वितरण गरेका थिए । एन्फाले जिल्ला, ए, बी,सी क्लब, राष्ट्रिय खेलाडी, कर्मचारी, प्रशिक्षकलगायतलाई राहत वितरण गरेको छ ।

हिमाल खरेल ष्ट्रिय लिग खेलिसकेको झापा ११ फुटबल क्लबले फुटबल एकेडेमी सञ्चालन गर्ने भएको छ । शनिबार बिर्तामोडको डोमालाल राजवंशी रंगशालामा पत्रकार भेटघाट कार्यक्रमको आयोजना गर्दै एकेडेमी सञ्चालनमा तयारी भइरहेको जलकुमार गुरुङले जानकारी दिए । अध्यक्ष गुरुङका अनुसार एकेडेमी सञ्चालनका लागि ५ करोड रुपैयाँ खर्च हुने अनुमान छ । प्रशिक्षक, खेलाडी तथा प्राविधिकसँगको परामर्शपछि ऐकेडेमी सञ्चालनको तयारी सुरु गरेका हौं, उनले भने, क्लबलाई आगामी दिनमा अझ मजबुद बनाउन तथा खेलाडी उत्पादनको उद्देश्य राखेर एकेडेमी सञ्चालन गर्न लागेका हौं । एकेडेमी विना नयाँ खेलाडी उत्पादनको सम्भावना नदेखिएकोले प्रयास थालिएको गुरुङको तर्क छ । ‘एकेडेमी नहुँदा क्लबका लागि खेलाडीको अभाव देखियो’, गुरुङले भने, ‘भाँडामा खेलाडी किनेर कति दिनसम्म खेल्नु ?’ एकेडेमीका लागि प्रशिक्षकसँग पनि सल्लाह गरिएको बताइएको छ । सहिद स्मारक ए डिभि