‘इनफ इज इनफ’ का पाँच जना सदस्य पक्राउ
जनादेश, काठमाडौँ ।
सामाजिक अभियान इनफ इज इनफका पाँच जना सदस्य पक्राउ परेका छन् ।
गृहमन्त्रलायमा प्रवेश गर्नका लागि सिंहदरबारको दक्षिण गेटमा भेला भएका उनीहरूलाई बुधबार दिउँसो प्रहरीले पक्राउ गरेको हो । निषेधित क्षेत्रमा भेला भइ मन्त्रालय भित्र प्रवेश गर्न खोजेपछि पक्राउ गरेको प्रहरीले जनाएको छ ।
अभियन्ताहरू गृहमन्त्रालयमा सूचनाको हकको निवेदन दर्ता गराउन गएका बेला पक्राउ परेको जनाइएको छ । पक्राउ परेका अभियन्ताले आफनो नाम समेत नखुलाएको प्रहरीले जनाएको छ ।
कोरोना नियन्त्रणमा सरकारले लापरववाही गरेको बताउँदै स्वास्थ्य सेवा राम्रो बनाउनुपर्ने लगायतका माग राख्दै अभियन्ता अनसनरत छन् ।
