Author: Jandesh Nepal

एजेन्सी । बलिउड अभिनेता सुशान्त सिंह राजपुतका बुबा केक सिंहले सुशान्तकी प्रेमिका रिया चक्रवर्तीविरुद्ध पटना प्रहरीमा उजुरी दिएका छन् । केकले चक्रवर्तीविरुद्ध आत्महत्या दुरुत्साहनको आरोप लगाउदै उजुरी दिएका हुन् । प्रहरीका अनुसार घटनाको विस्तृत छानविनका लागि चारजनाको समुह मुम्बई पठाइएको भारतीय मिडियाले उल्लेख गरेका छन् । चक्रावर्ती सुशान्तका साथसाथै फिल्म निर्देशक महेश भट्टसँग पनि प्रेम सम्बन्धमा रहेको चर्चा चलेको छ । आफूविरुद्ध उजुरी परेपछि चक्रावर्तीले आफ्ना वकिलसँग परामर्श लिएको जनाइएको छ । 'एम एस धोनी' लगाएत केही चलचित्रमा मुख्य भूमिका निभाएका अभिनेता सुशान्त सिंह राजपुतले जुन १४ तारिखमा आफ्नै अपार्टमेन्टमा झुन्डिएर आत्महत्या गरेका थिए । उनको आत्मत्याको खबर फैलिएसँगै चर्चित अभिनेत्री कंगना रनौतलगाएत बलिउका थुप्रै कलाकारले सुशान्त बलिउडको नेपोटिजमको शिकार भएको जनाएका थिए ।

जनादेश, काठमाडौं । कालीकोटको नरहनीनाथ गाउँपालिका ७ मा मंगलवार राति गएको पहिरोमा परी ८ जनाको मृत्यु भएको छ । पहिरोमा परि ६५ वर्षीय गंगे बुढाको घर पुरिँदा उनीसहित ६१ वर्षीय श्रीमती नैना, २४ वर्षीय बुहारी कुशा, १८ वर्षीय छोरी विमला, १० वर्षीया नातिनी चन्द्रिका, ७ वर्षीय नाति राम बढा र एक वर्षका चरित्र बुढाको मृत्यु भएको प्रहरीले जनाएको छ । पहिरोमा पुरिएकामध्ये ६ जनाको घटनास्थलमै मृत्यु भएको थियो भने विमलाको उपचारको क्रममा मृत्यु भएको हो । यस्तै, नरहनीनाथ गाउँपालिका ४ का ६५ वर्षीय बाले बुढाको घर पहिरोले पुरिँदा उनकी ६५ वर्षीय श्रीमती मना बुढाको मृत्यु भएको छ भने बाले बेपत्ता रहेको प्रहरीले जनाएको छ । घटनास्थलमा बेपत्ताको खोजी कार्य जारी रहेको छ ।

काठमाडौँ । मनसुनी गतिविधि अझै केही दिन कायम रहने भएको छ । गत सोमबार रातिबाट सक्रिय रहेको मनसुन आगामी शुक्रबारसम्म कायम रहने मौसमविद् मञ्जु बासीले बताउनुभयो । “मनसुन न्यूनचापीय रेखा नेपालको तराई भूभाग नजिक रहेका हुनाले पुनःमनसुन सक्रिय भएको हो,” मौसमविद् बादीले भन्नुभयो । सोमबारदेखि नेपालमा मनसुन सक्रिय भई देशाका अधिकांश स्थानमा हल्कादेखि मध्यम वर्षाका साथै केही स्थानमा भारी वर्षा भइरहेको छ । मनसुन सक्रिय भएसँगै ती स्थानमा नदीमा पानीको बहाव बढ्ने र पहाडमा भूक्षय हुने, पहिरो जाने, सडक तथा हवाई यातायात प्रभावित हुने तथा ढल÷पानीको राम्रो निकास नभएको ठाउँमा डुबानसमेत हुनसक्ने भएकाले महाशाखाले आवश्यक सतर्कता अपनाउन अनुरोध गरेको छ । हाल देशभर सामान्यदेखि पूर्ण बदली रही केही स्थानमा हल्कादेखि मध्यम वर्षा भइरहेको छ । दिउँसो देशका अधिकांश स्थानमा सामान्य बदली रही धेरैजसो स्थानमा हल्कादेखि मध