एजेन्सी ।
स्पेनिस फुटबल क्लब बार्सिलोनाका सुपरस्टार लिओनल मेसी पछिल्लो समय क्लबप्रति खुसी छैनन्। हालै उनले सार्वजनिक रुपमा क्लब प्रति टिप्पणी गदै आएकाछन् ।
ला लिगाको उपाधि यात्रामा धक्का लागेपछि मेसी र क्लबका अफिसियलबीच मतभेद बढेको छ। पछिल्लो दुई सिजनको ला लिगा च्याम्पियन बार्सिलोनाको खेल खस्किदा कप्तानको भूमीकामा रहेका मेसीमाथि दबाब थपिएको छ।
अंक तालिकाको दोस्रो स्थानमा रहेको बार्सिलोना शीर्ष स्थानको रियल म्याड्रिड भन्दा ४ अंकले पछि छ। लिगमा अब पाँच चरणका खेल बाँकी छन्। जसमध्ये चार खेलमा विजयी भए रियलले बार्सिलोनालाई पछि पारेर उपाधि जित्नेछ।
