चन्द्र प्रकाश नेपाली
नेपालमा कोरोना संक्रमित भएकामध्य ४६ प्रतिशत व्यक्तिहरु कोरोना मुक्त भएका छन् । स्वास्थ्य तथा जनसंख्या मन्त्रालयका अनुसार अहिलेसम्म १६ हजार १६८ जनामा कोरोना संक्रमण पुष्टि भएको छ ।
तिमध्य ७ हजार ४९९ अर्थात ४६ दशमलब ४ प्रतिशत संक्रमित व्यक्ति कोरोना मुक्त भएका हुन् । वितेको २४ घण्टामा नेपालमा ६८८ जना व्यक्तिले कोरोनालाई जितेर डिस्चार्ज भएका छन् ।
यसैबिच आज थप २ सय ४ जना व्यक्तिमा कोरोना संक्रमण पोजेटिभ देखिएको छ । यो सँगै नेपालमा १६ हजार १ सय ६८ जनामा कोरोना पोजेटिभ पुष्टि भएको मन्त्रालयका प्रबक्ता डा. जागेश्वर गौतमले जानकारी दिनुभएको छ ।
वितेको २४ घण्टामा ६ हजार १ सय ३१ जनाको पिसिआर जाँच गरिएको छ । अब देशभरको क्वारेन्टाईनमा २५ हजार ७२७ जना र ८ हजार ६ सय ३४ जना आइसोलेशनमा रहेको मन्त्रालयले जनाएको छ ।
