चन्द्र प्रकाश नेपाली
घोराही। राप्ती स्वास्थ्य बिज्ञान प्रतिष्ठानले पिसिआर परिक्षणको शुल्क मागेर स्थानीय पालिकालाई शोध भर्नाका लागि लेखिएको पत्रप्रति नागरिक समाज दाङले गम्भिर ध्यानाकर्षण भएको जनाएको छ । नागरिक समाजको आज बसेको बैठकले प्रतिष्ठानले लेखेको पत्रप्रति ध्यानाकर्षण भएको जनाएको हो ।
प्रतिष्ठानले केही दिनअघि पिसिआर परिक्षण रोकेको, रकम माग गरेको र शुल्कको माग गर्दै शोध भर्नाका लागि स्थानीय पालिकालाई पत्र लेखेपछि समाजले ध्यानाकर्षण भएको जनाएको छ । साथै परिक्षण कार्यलाई निरन्तरता दिन पनि बैठकले माग गरेको छ ।
यस्तै प्रतिष्ठानमा देखा परेको समस्यालाई समाधान गर्नका लागि सर्बदलीय सर्बपक्षीय बैडकको आयोजना गर्न पनि माग गरिएको छ । यसअघि राप्ती स्वास्थ्य बिज्ञान प्रतिष्ठान बचाऔँ अभियानले पनि हिजो बिज्ञप्ती जारी गरेर उक्त कार्यको बिरोध गरेको थियो ।
प्रतिष्ठान बचाऔँ अभियानका संयोजक बिकिरण गौतमले हिजो बिज्ञप्ती जारी गरेर प्रतिष्ठानले गरेको कार्यको बिरोध गर्नुभएको छ । सर्बसुलभ र पिसिआर परिक्षणलाई निरन्तरता दिन बिज्ञप्तीमा उल्लेख गरिएको छ ।
