चन्द्र प्रकाश नेपाली
घोराही । दाङमा राप्ती नदीले बगाउँदा एक महिलाको मृत्यु भएको छ । राप्ती गाउँपालिका वडा नम्बर ४ मौरीघाट निवासी ५२ वर्षीया वसन्ता गिरीको हिजो राप्ती नदीले बगाउँदा मृत्यु भएको हो ।
गिरीको शव ११ किलोमिटर दक्षिणमा वडा नम्बर ३ मा फेला परेको प्रहरीले बताएको छ । गिरी बिहान ४ बजे घरबाट कसैलाई केही नभनी निस्किएकी परिवारले जनाएको छ ।
गिरी भालुवाङस्थित राप्ती नदी पुलको आसपासबाट बगेको हुन सक्ने प्रहरीले जानकारी दिएको छ ।
