केएमसी अस्पतालमा मृत्यु भएका व्यक्तिमा कोरोना पुष्टि

जनादेश संवाददाता

काठमाडौँ। सिनामंगलस्थित काठमाडौँ मेडिकल कलेज शिक्षण अस्पताल(केएमसी)मा विहीबार राती मृत्यु भएका एक जना पुरुषमा कोरोना भाइरसको संक्रमण देखिएको छ ।

मृत्यु भएको एक दिन पछि अर्थात शुक्रबार (हिजो) बेलुका आएको रिपोर्टमा कोरोना भाइरसको संक्रमण देखिएको हो । कोरोना पुष्टि भएपछि मापदण्ड अनुसार संक्रमित शवलाई नेपाली सेनाले आज विहान व्यवस्थापन गरेको छ ।

मिर्गौलामा समस्या भएर केएमसी अस्पताल ल्याइएका उनलाई गत १९ असारमा भर्ना गरिएको थियो । अस्पतालका निर्देशक डा मुकुन्दराज जोशीका अनुसार मृतक व्यक्ति काठमाडौँ गोकर्ण निवासी हुन् ।

यो संगै नेपालमा कोरोना भाइरसबाट मृत्यु हुनेको संख्या ३६ पुगेको छ ।