एक महिनामा विपतमा परि १०७ जनाको मृत्यु, कयौ घाइते

चन्द्रप्रकाश नेपाली

घोराही । मनसुन सुरु भएको एक महिनामा बाढीपहिरो, चट्याङ लगायतका विपद्का घटनामा परि नेपालमा १ सय ७ जनाको मृत्यु भएको छ । जेठ ३० गते यता मनसुन लगातार सक्रिय रहँदा देशभर बाढी, पहिरो र चट्याङले मात्रै ९५ जनाको मृत्यु भएको छ ।

यस बाहेक ९ जनाको सर्पले डसेर मृत्यु भएको छ भने ३ जनाको आगोले जलेर मृत्यु भएको राष्ट्रिय विपद जोखिम न्यूनिकरण तथा व्यवस्थापन प्राधिकरणले जनाएको छ ।
सबैभन्दा धेरै पहिरोका कारण देशभर पछिल्लो एक महिनामा ७६ जनाको मृत्यु भएको छ । त्यसमध्ये ३९ जनाको यसै साता गएका पहिरोमा मृत्यु भएको छ भने३५ जना बेपत्ता रहेका छन् । मनसुनपछिको विपद्ले देशका १९ जिल्ला बढी प्रभावित भएका छन् ।

यस्तै चट्याङ लागेर १७ जनाको मृत्यु भएको । प्राधिकरणका अनुसार एक महिनाभित्र बाढी पहिरोले देशभर ४ सय घर परिवार प्रभावित भएका छन् ।