चन्द्रप्रकाश नेपाली
घोराही । घोराही उपमहामनगरपालिका वडा नम्बर १ र बंगलाचुली गाउँपालिकाको सिमाना क्षेत्र काउले डाँडालाई चिउरीको बगान बगाउने गरि बृक्षारोपण थालिएको छ ।
ऐतिहासिक महत्व बोकेको गडी लेखको काखमा रहेको काउले डाँडाको खाली वन क्षेत्रमा बहुउपयोगी चिउरीको उद्यान बनाइ पर्यटकीय स्थल बनाउने योजनाका साथ काम शुरु गरिएको हो ।
त्यस क्षेत्रलाई चिउरीको बगानमा बिकास गरी आन्तरिक पर्यटक बढाउने गरी काम अघि बढाइएको डिभिजन वन कार्यालय दाङका प्रमुख दिपक ज्ञवालीले जानकारी दिनुभएको छ ।
चिउरी बगान बनाउनडिभिजन वन कार्यालयले घोराही उपमहानगरपालिका र बंगलाचुली गाउँपालिकाको सीमानामा रहेको काउलेडाडाँको करिव ५ हेक्टर वन क्षेत्रमा तारबार सहित एक हजार आठ सय चिउरीका बिरुवा रोपेको छ ।
जिल्ला समन्वय समितिका संयोजक जितेन्द्रमान नेपाली र डिभिजनल प्रमुख ज्ञवालीले आज चिउरी बिरुवा रोपेर काउलेको डाँडालाई चिउरी बगाउन बनाउने अभियानको सुरुवात गर्नुभएको छ ।
चिउरीको बगान बनाइएपछि पर्यटकीय क्षेत्रका रुपमा बिकास गर्नेसगै माहुरी चरण क्षेत्र, हरियाली, डालेघाँस र वनस्पती ध्यूमा समेत प्रयोग गर्ने सकिने बहुउपयोगी अभियानमा डिभिजन वन कार्यालयले स्थानीयलाई सहयोग गर्ने भएको छ ।
