चन्द्रप्रकाश नेपाली
घोराही। दाङका ५ जनामा आज कोरोना संक्रमण पुष्टि भएको छ । बाँकेको नेपालगञ्ज स्थित भेरी अस्पतालमा गरिएको स्वाब परिक्षणमा बबई गाउँपालिकाका ५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार बबई गाउँपालिका वडा नम्बर २ का २४ बर्षिय एक पुरुष, वडा नम्बर ३ का २८ बर्षिय एक पुरुष, वडा नम्बर ४ का ४२ बर्षिय एक पुरुष र वडा नम्बर ६ का ३८ र ४३ बर्षिय दुई पुरुषमा कोरोना संक्रमण पुष्टि भएको हो ।
यो सँगै दाङमा कोरोना संक्रमितको संख्या ६ सय ३० पुगेको छ । यसैविच भेरी अस्पतालमै जाँच गरिएको पिसिआरमा रोल्पाका ३ जनामा पनि कोरोना संक्रमण पुष्टि भएको छ ।
सुनिल स्मृती गाउँपालिका ३ का ३२÷३२ बर्षका दुई पुरुष र परिबर्तन गाउँपालिका २ का २२ बर्षिय एक पुरुषमा कोरोना संक्रमण देखिएको मन्त्रालयले जनाएको छ । सोही अस्पतालमा बर्दिया ठाकुरबाबा २ का ५० बर्षिय पुरुष र बाँके खजुरा ३ का ४१ बर्षिया एक महिलामा पनि कोरोना संक्रमण पुष्टि भएको छ ।
भेरी अस्पतालमा वितेको २४ घण्टामा २ सय जनाको पिसिआर जाँच गर्दा १० जनामा कोरोना संक्रमण देखिएको हो ।
