सल्यानमा मास्क नलगाउने ३ सय जना कार्वाहीमा

चन्द्रप्रकाश नेपाली

घोराही । सल्यानमा मास्क नलगाएर हिड्नेलाई प्रहरीले कार्वाही थालेको छ । प्रहरीले मास्क नलगाएको भन्दै तीन दिनमा ३० हजार रुपैयाँ जरिवाना संकलन गरेको छ ।

कोरोना संक्रमणबाट बच्न अनिवार्य मास्क लगाउन सरकारले आग्रह गर्दै आएको छ । तर अटेरी गरेर विना मास्क बजारमा निस्कनेलाई सम्झाई बुझाई गरि एक सय रुपैयाँ जरिवाना गर्ने गरेको छ ।

तीन दिनमा ३ सय जनालाई प्रहरीले मास्क नलगाएको भन्दै जनही एक सय रुपैयाँ तिराउदै आएको सल्यानका प्रहरी प्रमुख डिएसपी ढकेन्द्र खतिवडाले जानकारी दिनुभएको छ ।