कोरोना संक्रमणबाट थप एकको मृत्यु

चन्द्रप्रकाश नेपाली

नेपालमा कोरोना संक्रमणबाट थप एक जनाको मृत्यु गएको छ । योसँगै नेपालमा कोरोना संक्रमणबाट मृत्यु हुनेको संख्या ४० पुगेको छ ।
धरानको वीपी कोइराला स्वास्थ्य विज्ञान प्रतिष्ठानमा आइसोलेसनमा उपचाररत एक जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयका प्रबक्ता डा.जागेश्वर गौतमले जानकारी दिनुभएको छ ।

सप्तरीका ७३ वर्षीय वृद्धको गएराति मृत्यु भएको वीपी मन्त्रालयले जनाएको छ । असार ३१ गते अस्पतालमा भर्ना गरिएको उनको स्वाब परीक्षण गर्दा कोरोना पोजेटिभ देखिएको थियो ।

मृतक उच्च रक्तचाप, मधुमेह र मुटुका बिरामी रहेको मन्त्रालयले जनाएको छ ।