लिड्स युनाइटेडले इंग्लिस प्रिमियर लिग खेल्‍ने

लिड्स । लिड्स युनाइटेडले अर्को सिजन इंग्लिस प्रिमियर लिगमा खेल्ने भएको छ । लिड्स १६ वर्षको अन्तरपछि इंग्लिस फुटबलको माथिल्लो डिभिजनमा उक्लेको हो ।

दोस्रो डिभिजनको च्याम्पियनसिपमा वेस्ट ब्रुम हडर्सफिल्डविरुद्धको खेलमा २–१ ले पराजित भएपछि लिड्स बढुवा हुने निश्चित भएको हो । लिड्स अब शनिबार अथवा आइतबारभित्र लिग च्याम्पियन हुन सक्नेछ ।

अर्जेन्टिनी प्रशिक्षक मार्सेलो बिसलीले टिम सम्हालेयता दोस्रो सिजनमा लिड्स माथि उक्लेको हो । गत सिजन लिड्स तेस्रो स्थानमा रहेर प्ले अफबाट बाहिरिएको थियो ।