जनादेश, काठमाण्डौ ।
नेपालमा आज ५७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रबक्ता डा.जागेश्वर गौतमले बितेको २४ घण्टामा गरिएको ३ हजार ३ सय ३१ जनाको पिसिआर परिक्षणमा ५७ जनामा कोरोना संक्रमण पुष्टि जानकारी दिनुभयो ।
योेसँगै नेपालमा कोरोना भाइरसको संक्रमितको संख्या १७ हजार ५ सय २ जना पुगेको छ । कुल संक्रमितमध्ये अहिले ५ हजार ८ सय ३५ जना उपचाररत रहेका छन् ।
यसैबीच बितेको २४ घण्टामा १ सय ३ जना कोरोनालाई जितेर अस्पतालबाट डिस्चार्ज भएका छन् । यसरी डिस्चार्ज हुनेको संख्या ११ हजार ६ सय ३७ जना पुगेको डा. गौतमले बताउनुभयो ।
नेपालमा अहिलेसम्म ३ लाख ९ हजार ८ सय २९ जनाको पिसिआर मार्फत कोरोना जाँच भएको छ ।
अहिले क्वारेन्टाईनमा २३ हजार २ सय ७५ र आइसोलेसनमा ५ हजार ८ सय २५ जना रहेको मन्त्रालयले जनाएको छ ।
