क्वारेन्टाईन व्यवस्थापन र राहत वितरणमा खट्नेलाई सम्मान

जनादेश, घोराही ।

घोराही उपमहानगरपालिका वडा नम्बर ४ ले क्वारेन्टाईन व्यवस्थापन, राहत वितरणमा खटिएका युवा, स्वास्थ्य स्वयसेविका र टोल विकास संस्थाहरुलाई कदर एवं सम्मान गरेको छ ।

वडा कार्यालयले कोरोना संक्रमण रोकथामका लागि सञ्चालन गरेको क्वारेन्टाईन व्यवस्थापन एवं राहत वितरणमा खटिएका ८१ जना युवाहरु र १२ जना स्वास्थ्य स्वंयसेविकालाई कदर पत्र र ७ वटा टोल विकास संस्थाहरुलाई सम्मान पत्र प्रदान गरेको हो ।

वडा अध्यक्ष भीमबहादुर सार्कीले कोरोना रोकथामका लागि गरिएका प्रयासमा रातदिन खट्ने र विपन्न परिवारहरुको घरघरमा राहत पुराउने युवाहरुलाई कदर पत्र र सहजिकरण गर्ने टोल विकास संस्थाहरुलाई सम्मान पत्र प्रदान गर्नुभएको हो ।

लकडाउनको अबधीमा भारतबाट आई मावि गोग्ली, आधारभूत विद्यालय सुनपुर, आधारभूत विद्यालय सवारीकोट र प्रावि पालुथानमा सञ्चालन गरिएको क्वारेन्टाईनमा बसेका वडाबासीहरुलाई खाना तथा बसाई व्यवस्थापनमा युवा तथा टोल विकास संस्थाहरुले अहोरात्र खटेर सहयोग गरेका थिए ।

सम्मानित हुने टोल विकास संस्थाहरुमा सवारीकोटका पौरखी, मनकामना, जस्पुरकोट, मूलगाउँ, कुशे, भदौरे र तारकेनी टोल विकास संस्थाहरु रहेका छन् ।

वडा अध्यक्ष सार्कीले विपतको सामना सबै मिलेरै गर्न सके मात्रै जित हासिल हुने भन्दै विकासमा पनि एक जुट भएर अघि बढ्न आह्वान गर्नुभयो