अर्को बैठक मंगलबार विहान ११ बजे बस्ने
जनादेश, काठमाण्डौ ।
सत्तारुढ नेकपाको स्थायी समितिको बैठक फेरी स्थगित भएकोछ ।
सत्तारुढ नेपाल कम्यूनिष्ट पार्टी (नेकपा)को आज बस्ने भनिएको स्थायी कमिटीको बैठक पर्सिसम्मका लागि स्थगित भएको छ ।
नेकपाको केन्द्रीय कार्यालयले विज्ञप्ति निकालेर बैठक पर्सि बिहान ११ बजे बस्ने गरी स्थगित गरिएको हो ।
आज दिउँसो तीन बजेका लागि बोलाइएको बैठक एक्कासी स्थगित गरिएको हो ।
यसअघि साउन २ गते बोलाइएको बैठक पनि आजका लागि सारिएको थियो ।
नेकपाको स्थायी कमिटी बैठक स्थगित भएको यो सातौं पटक हो ।
अस्तीको सचिवालय बैठकमा मंसीरमा महाधिवेशन गर्ने प्रस्ताव आएपछि नेकपामा जारी विवाद नयाँ मोडमा पुगेको हो ।
