ज्वारचनले लिइन् सांसद पदको शपथ

जनादेश, काठमाण्डौ ।

प्रमुख प्रतिपक्षी नेपाली कांग्रेस पार्टीबाट रिक्त रहेको प्रतिनिधिसभा सदस्यमा सुवर्ण ज्वारचनले पद तथा गोपनियताको शपथ लिनुभएको छ ।

सभामुख अग्निप्रसाद सापकोटाले आज ज्वारचनलाई पद तथा गोपनीयताको शपथ गराउनुभएको हो ।

सांसद ज्ञानकुमारी छन्त्यालको निधन भएपछि कांग्रेसकोतर्फबाट समानुपातिक सांसदको एक पद रिक्त थियो ।

बाग्लुङबाट प्रतितिनिधित्व गर्ने छन्त्यालको असार १७ गते निधन भएको थियो ।

छन्त्यालको निधन भएपछि समानुपातिक सूचीमा उहाँको पछि नाम रहेकी गुल्मीका ज्वारचन सांसद बन्नुभएको हो ।