जनादेश, काठमाण्डौ ।
आजको नेकपाको स्थायी कमिटी बैठक एउटा मात्र प्रस्ताव पारित गर्दै स्थगित भएको छ । मंगलबार प्रधानमन्त्री निवास बालुवाटारमा बसेको स्थायी कमिटी बैठकले बाढी पहिरोमा परेकाहरुको राहत र उद्धारमा जुट्ने प्रस्ताव पास गरेको छ ।
नेकपाको स्थायी कमिटी बैठक साउन १३ गते बस्ने गरी स्थगित भएको कुरा प्रबक्ता नारायणकाजी श्रेष्ठले बताएकाछन् ।साथै सरकारलाई पनि राहत र उद्धारमा कुनै कसर बाँकी नराख्न आग्रह गरेको छ ।
आजको बैठकमा प्रधानमन्त्री एवम् नेकपाका अध्यक्ष केपी शर्मा ओली भने उपस्थित थिएनन् ।
