इन्टर मिलानलाई दोस्रो स्थानमा उक्लने अवसर

एजेन्सी । इटालियन सिरी ‘ए’ मा आज राति ३५औं चरणको विभिन्न ६ खेलमा प्रतिस्पर्धा हुँदैछ । तेस्रो स्थानमा रहेको इन्टर मिलानले घरेलु मैदानमा फियोरेन्टिनाको आतिथ्यता गर्दैछ ।

खेल नेपाली समयअनुसार राति १ः३० बजेपछि शुरु हुनेछ ।  फियोरेन्टिनामाथि जित हात पार्न सके इन्टर मिलानले एटलान्टालाई एक अंकले पछि पार्दै दोस्रो स्थानमा उक्लने अवसर छ । तेस्रो स्थानमा रहेको इन्टरको ३४ खेलबाट ७२ अंक छ । एक खेल बढी खेलेको एटलान्टाको ७४ अंक छ ।

लाउटारो मार्टिनेज, रोमेलु लुकाकु, एलेक्सिस सान्चेज, एस्ले योङ, डिएगो गोडिन, भिक्टर मोसेस र क्रिस्टियानो विरागी जस्ता खेलाडीको साथ रहेको छ । फियोरेन्टिना पनि इन्टर मिलानलाई स्तब्ध पार्दै अंक तालिका सुधार गर्ने लक्ष्यमा हुनेछ । फियोरेन्टिना ४२ अंक जोडेर १२औं स्थानमा छ ।

अन्य खेल

पार्माविरुद्ध नेपोली (राति ११ः१५ बजे)

लेच्चेविरुद्ध ब्रेसिया (राति १ः३० बजे)

साम्पडोरियाविरुद्ध जिनोआ (राति १ः३० बजे)

एस्पालविरुद्ध रोमा (राति १ः३० बजे)

टोरिनोविरुद्ध हेलास भेरोना (राति १ः३० बजे)