जनादेश, काठमाडौँ ।
पूर्व डीआईजी रन्जन कोइरालाको रिहाइलाई लिएर महान्यायाधिवक्ताको कार्यालयले पुनरावलोकन गर्ने जनाएको छ ।
श्रीमती हत्यामा जेल सजाए भोगिरहेका कोइराला सर्वोच्चको फैसला अनुसार आज रिहा भएका छन् । सर्वोच्चले जन्म कैद सजाय भोगरहेका कोइरालाको आधाभन्दा बढी सजाय घटाइदिएपछि सशस्त्र प्रहरीका पूर्व डीआईजी कोइराला जेलमुक्त भएका हुन् ।
श्रीमती गीता ढकालको हत्या गरेका काइरालालाई जिल्ला अदालत र पुनरावेदन अदालतले सर्वस्वसहित जन्म कैदको फैसला गरेको थियो । तर, असार १५ मा प्रधानन्यायधीश चोलेन्द्र शमसेर जबरा र तेजबहादुर केसीको इजलासले हत्या हुनुमा मृतको गल्ति देखाउदै कोइरालाविरुद्धको सजाय घटाएको थियो ।
कोइरालाले ८ वर्ष अघि श्रीमतीको हत्या गरी मकवानपुरको जंगलमा लगेर शव जलाएका थिए ।
