जनादेश दाङ ।
दाङको बबई गाउँपालिकामा बस्तीस्तरमा सिकाई कार्यलाई प्रभावकारी गराउनका लागि छलफल गरिएको छ ।
शिक्षा शाखाको आयोजनामा बस्तीस्तरमा कसरी सिकाई कार्यलाई कसरी प्रभावकारी गराउन सकिन्छ भन्ने बिषयमा छलफल गरिएको हो ।
करिब चार महिनाको लकडाउनका कारण बबईमा स्थापना गरिएका शिकाई केन्द्रलाई थप प्रभावकारी र बिद्यार्थीलाई बस्तीस्तरमा कसरी सिकाउन सकिन्छ भन्ने बिषयमा छलफल भएको हो ।
लकडाउनको समयमा बिद्यार्थीलाई बैकल्पिक शिक्षा मार्फत् पठनपाठन गर्नका लागि छलफल गरिएको हो ।
शिक्षक महासंघ बबईका अध्यक्ष प्रेमबहादुर वलीको अध्यक्षतामा छलफल कार्यक्रम भएको हो । छलफल कार्यक्रममा सहभागी भएका शिक्षकले नयाँ ढंगले सिकाई कार्य भएको भन्दै प्रभावकारी रुपमा पठनपाठन गराउनका लागि बिद्यार्थी, शिक्षक र अभिभावकको जिम्मेवारी महत्वपुर्ण हुने बताएका थिए ।
छलफल कार्यक्रममा सामुदायिक बिद्यालयका प्रधानाध्यापक, शिक्षक, पत्रकार, ब्यबस्थापन समितिका पदाधिकारीको सहभागीतामा रहेको थियो ।
बबई गाउँपालिकामा बैकल्पिक शिक्षा कार्यक्रमलाई सफल पार्न सिकाई केन्द्र र रेडियो मार्फत् बैकल्पिक शिक्षा रेडियो कार्यक्रम सञ्चालन भइरहेको छ ।
