जनादेश रुकुम ।
रुकुम पश्चिको बाँफिकोटमा रहेको स्यार्पु तालमा साउन ७ गते डुबेका एक युवकको शव चार दिनपछि भेटिएको छ ।
बाँफिकोट गाउँपालिका–५, वडगाउँका २० वर्षीय अनिल घर्तीको शव आज दिउँसो १ बजेतिर स्थानीयले तालमै भेटाएका हुन ।
बाँफिकोट गाउँपालिकाको ३ र ५ नम्बर वडामा फैलिएको त्यस तालको ५ नम्बर वडातर्फको क्षेत्रमा शव भेटिएको जिल्ला प्रहरी प्रमुख प्रहरी नायव उपरीक्षक ठगबहादुर केसीले जानकारी दिनुभयो ।
साउन ७ गते माछा मार्न गएका घर्ती दिउँसो १ बजेतिर स्यार्पुतालमा डुबेका थिए । उनलाई बचाउन गएका वडगाउँकै २३ वर्षीय लोकबहादुर घर्तीको ज्यान गएको थियो । लोकबहादुरको शव भने त्यही दिन फेला परेको थियो ।
