जनादेश नेपाल, पोखरा । पोखरा विश्वविद्यालयले, विज्ञान तथा प्रविधि संकायले पूर्णकालिन करार सेवामा शिक्षक पदपूर्तिका लागि आवेदन माग गरेको छ । स्कुल अफ ईन्जिनियरिङमा सञ्चालित स्नातक तहका कार्यक्रमहरुमा अध्ययपन गराउनका लागि पूर्णकालिन करार सेवामा सह प्रध्यापक तथा उप प्रध्यापकका लागि आवेदन माग गरेको हो ।
विश्वविद्यालयले तोकेको मापदण्ड पुरा भएका इच्छुक व्यक्तिहरुले मंसिर १५ गतेदेखि पुस ६ गतेसम्म र पुस १३ गतेसम्म देब्बर दस्तुरमा शैक्षिक आवेदन फाराम, योग्यताको प्रमाणित प्रतिलिपि र अनभव प्रमाणको प्रतिलिपि सहित आवेदन दिन सकिने जनाएको छ ।
त्यसैगरी आवेदनको मुल्याङ्कन पोखरा विश्वविद्यालय सेवा आयोगको नियमअनुसार हुने र परीक्षा स्कुल अफ ईन्जिनियरिङमा १९ गते ११ बजेदेखि ३ बजेसम्म सञ्चालन हुने सूचनामा उल्लेख गरको छ ।
