अम्मर न्यौपाने,
अन्नदेखि फलफूलसम्म
लुगादेखि जुत्तासम्म
चियादेखि र मदिरासम्म
झुप्रोदेखि महलसम्म
छाप्रे पसलदेखि सपिङ मलसम्म
अस्पतालदेखि औषधिसम्म
मोबाइलदेखि ल्यापटपसम्म
बिजुलीदेखि इन्टरनेटसम्म
किताबदेखि किन्डलसम्म
गुलेलीदेखि मेसिनगनसम्म
बाटोदेखि फराकिला सडकसम्म
साइकलदेखि गाडीसम्म
रेलदेखि जहाजसम्म
जहाँ सुँघौं
मजदुरको पसिनाको गन्ध आउँछ ।
यतिसम्म कि पैसामा पनि उसकै पसिनाको गन्ध आउँछ ।
तर ऊ नै किन सधैँ भौतारिइरहनुपर्छ
आफ्नै पसिनाको गन्ध सुँघ्न ?
