एजुकेशनपत्र, काठमाण्डौं । आगामी आर्थिक वर्षको बजेटप्रति नेपाल विद्यालय कर्मचारी परिषद्ले आपत्ति जनाएको छ । सरकारले प्रस्तुत गरेको बजेटले आफूहरूले अघि सार्दै आएको माग सम्बोधन नगरिएको भन्दै परिषद्ले आपत्ति जनाउँदै आन्दोलन गर्ने चेतावनी दिएको छ ।
परिषद्ले एक विज्ञप्ति जारी गर्दै सामुदायिक विद्यालयमा कार्यरत कर्मचारीहरूको सेवा सुविधाको विषयमा कुनै पनि प्रकारको सम्बोधन नभएकोमा आपत्ति जनाएको हो ।
आन्दोलनपछि हुन जाने सम्पूर्ण क्षतिको जिम्मेवार तथा जबाफदेही नेपाल सरकार स्वयम् हुनुपर्ने चेतावनी समेत दिइएको छ ।
