एजुकेशनपत्र काठमाण्डौं । राष्ट्रिय परीक्षा बोर्डले माध्यमिक विद्यालय शिक्षक युनियन (हिस्तुन)को आन्दोलनको विरोधमा कक्षा १२ को उत्तरपुस्तिका परीक्षण स्थगित गर्ने निर्णय गरेको छ । हिस्टुनले राखेका १८ वटा प्रमुख मागलाई लिएर भएको आन्दोलनले मंगलबारदेखि १९ गतेसम्मको उत्तरपुस्तिका मूल्याङ्कन स्थगित गरेको हो ।
हिस्टुनका महासचिव शंकर तिवारीले मंगलबारदेखि देशभर हुने परीक्षा १९ गतेसम्मका लागि स्थगित गरिएको जानकारी दिए । उनले आफ्नो आन्दोलनको उद्देश्य सरकारलाई दबाब दिने र परीक्षा स्थगित गर्ने निर्णय भएकोमा जोड दिए।
हाल उच्च माध्यमिक विद्यालय तहमा कार्यरत झण्डै ४ हजार पूर्व हाईस्कूल शिक्षक आन्दोलनमा सक्रिय सहभागी छन् । अनुदान कोटाका शिक्षक दरबन्दीलाई स्वीकृत पदमा परिणत गरी आन्तरिक प्रतिस्पर्धाबाट स्थायी दरबन्दी सुनिश्चित गर्नुपर्ने उनीहरुको माग रहेको छ ।
हिस्टुनले संघीय शिक्षा ऐन नआएसम्म निरन्तर रोजगारीमा रहेका शिक्षकलाई एमए दोस्रो श्रेणीमा उमेर हदबाट छुट दिन र शिक्षक सेवा आयोगले सञ्चालन गरेको विशेष आन्तरिक प्रतिस्पर्धाबाट स्थायी दरबन्दी भर्न आग्रह गरेका छन् ।
हिस्टुनले १९ गतेसम्म आन्दोलन जारी राख्ने घोषणा गरेको छ । महासचिव तिवारीले उक्त समयभित्र आफ्ना माग सम्बोधन नभए अर्को चरणमा आन्दोलन गर्ने चेतावनी दिए । कक्षा १२ को उत्तरपुस्तिका परीक्षण स्थगित भएपछि मूल्याङ्कन र नतिजाको पर्खाइमा रहेका विद्यार्थी र शैक्षिक सरोकारवालामा चिन्ता बढेको छ ।
