एजुकेशनपत्र काठमाण्डौं । नेपाली काङ्ग्रेसका महासचिव गगनकुमार थापाले विश्वविद्यालयमाथि राजनीतिक गर्ने आफ्नो इच्छा नरहेको बताएका छन् । स्वर्गीय गिरिजाप्रसाद कोइरालाको १००औँ जन्मजयन्तीको अवसरमा सोमबार काठमाडौंमा आयोजित कार्यक्रममा थापाले विश्वविद्यालयलाई राजनीतिक प्रभावबाट पूर्णरूपमा मुक्त राख्नुपर्नेमा जोड दिएका छन ।
उनले दलको झोला बोकेर विश्वविद्यालय छिर्न पाइँदैन भन्नेकुरालाई अन्त्य नगरेसम्म विश्वविद्यालय माथि उठ्न नसक्ने बताए । कुनै पनि दलको झोला बोक्ने प्राध्यापक, विद्यार्थी, कर्मचारी कसैलाई पनि विश्वविद्यालयले चिन्दैन भन्नेकुरा स्थापित गर्नुपर्नेमा महामन्त्री थापाले जोड दिए । उनले विश्वविद्यालयको अवस्था झनै कहालीलाग्दो भएको र यसको दोष राजनीतिक दल र सरकारको नेतृत्व गर्नेहरूले लिनुपर्ने बताए ।
ूहामीले विश्वविद्यालय ऐन जस्तै संघीय शिक्षा कानून लागू गर्न आवश्यक छ, जसले विश्वविद्यालयहरू स्वतन्त्र रहिरहन र संकाय सदस्यहरू, विद्यार्थीहरू, वा कर्मचारीहरू लगायत कुनै पनि राजनीतिक दलको नियन्त्रणको अधीनमा नरहने सुनिश्चित गर्दछ। यदि विश्वविद्यालयले कसैलाई मान्यता दिँदैन भने। राजनीतिक पकड स्थापित गर्न चाहन्छन्, विश्वविद्यालयमा कुनै प्रभाव पार्ने सम्भावना छैन,’ थापाले भने ।
सम्बोधनका क्रममा थापाले शिक्षा क्षेत्रमा तत्काल आवश्यक कदम चाल्नका लागि प्रधानमन्त्री पुष्पकमल दाहाललगायत संसदमा उपस्थित सबैको ध्यानाकर्षण गराउँदै संघीय शिक्षा ऐनको महत्वबारे प्रकाश पारेका थिए ।
