जनादेशडेली संबाददाता । कोरोना भाइरस संक्रमणबाट नेपालमा थप एकजनाको मृत्यु भएको छ । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार मृत्यु हुनेमा नयाँ बानेश्वर बस्ने ८५ वर्षीय एक वृद्ध रहेका छन् ।
उच्च रक्तचाप र पार्किन्सनको समस्या भएका वृद्ध काठमाडौं एक निजी अस्पतालमा छाती दुखेको र पिसाब कम भएको समस्या देखिएपछि अस्पताल पुगेका थिए । उनलाई अस्पतालको आइसोलेसनमा राखिएको र उनको उपचारको क्रममा असार १७ गते राति मृत्यु भएको मन्त्रालयका प्रवक्ता डा जागेश्वर गौतमले जानकारी दिए । योसँगै नेपालमा कोरोना संक्रमणका कारण मृत्यु हुनेको संख्या ३२ पुगेको छ ।
