प्रदेश नं.२ का मुख्यमन्त्री राउत र मन्त्रीहरुको राजीनामा माग

जनादेश संवाददाता

जनकपुर । संसदीय दलको बैठकमा संघीय समाजवादी पार्टीका सभासदहरुले मुख्यमन्त्री लालबाबु राउतसहित सबै मन्त्रीहरुको राजीनामा माग उठाएकाछन् ।

जनकपुरस्थित मुख्यमन्त्रीको सरकारी निवासमा शुक्रबार बसेको पार्टी संसदीय दलको बैठकमा मुख्यमन्त्री र मन्त्रीहरुले सरकार चलाउन नसकेको र बजेटलाई आफ्नो केन्द्रित गरेको भन्दै सांसदहरुले राजीनामा मागेका हुन् ।

संसदीय दलको बैठकमा सांसद पारस साह, करिमा बेगम, सञ्चमाया मोक्तान लगायतले सरकारले प्रभावकारी काम गर्न नसकेको गुनासो गरेका थिए ।

मन्त्रीहरुको कार्यशैलीप्रति उनीहरुले रोष प्रकट व्यक्त गरेका छन् ।