काठमाडौं । आफ्नो कारणले अभिनेत्री एवं निर्देशक दीपाश्री निरौलाले लगातार दुई सातादेखि गाली खानुपरेपछि अभिनेता राजेश हमालले निरौलालाई माफ गर्न आफ्ना प्रशंसकलाई आग्रह गरेका छन् ।
दुई साताअघि एउटा टेलिभिजनमा अन्तर्वार्ता दिनेक्रममा अभिनेत्री दीपाश्री निरौलाले तत्कालीन अवस्थामा राजेश हमाल पूर्ण निष्क्रिय भएको भन्दै उनलाई सम्बोधन गरिने ‘महानायक’ उपाधिलाई अस्वीकार गरेकी थिइन् ।
त्यसपछिबाट अभिनेत्री निरौलालाई सामाजिक सञ्जालमा दर्शकले नियमित गाली गर्दै आएका छन् । यस्तो गाली रोक्न चलचित्रसम्बन्धी सातवटा संस्थाले संयुक्त प्रेस विज्ञप्ति जारी गर्दा पनि गाली गर्नेक्रम रोकिएन ।
अन्तत : अभिनेता हमालले सामाजिक सञ्जालमा एक भिडियो सार्वजनिक गर्दै दीपाश्रीलाई माफ गरिदिन आफ्ना प्रशंसकलाई आग्रह गरेका हुन् ।
स्रोतः राजधानी दैनिक
