चन्द्रप्रकाश नेपाली
घोराही । दाङका दश स्थानीय तहमा एक अर्वबढी बेरुजु देखिएको छ । महालेखा परिक्षकको प्रतिवेदन अनुसार दश स्थानीय तहमा १ अर्ब ४ करोड १० लाख ५ हजार रुपैयाँ बेरुजु देखिएको हो ।
प्रतिवेदन अनुसार तुलसीपुर उपमहानगरपालिकामा २० करोड ९० लाख १० हजार, घोराही उपमहानगरपालिकामा १४ करोड ६२ लाख ६२ हजार रुपैयाँ बेरुजु देखिएको छ ।
त्यसैगरी लमही नगरपालिकामा १६ करोड ६४ लाख ४१ हजार, गढवा गाउँपालिकामा २३ करोड ६८ लाख ८ हजार, राजपुर गाउँपालिकामा ६ करोड ९९ लाख ३० हजार, राप्ती गाउँपालिकामा ६ करोड ७७ लाख ३४ हजार, दंगीशरणमा ३ करोड ९ लाख ३९ हजार, बंगलाचुलीमा ४ करोड ६ लाख ८ हजार बेरुजु देखिएको छ ।
त्यसैगरी शान्तिनगरमा ३ करोड ७१ लख ७८ हजार र बबई गाउँपालिकामा ३ करोड २ लाख १५ हजार बेरुजु देखिएको छ । सम्पन्न भएका कामहरुको आबस्यक कागजपत्रहरु चुस्त नहुदा बेरुजु रकम धेरै देखिने गरेको छ ।
