Photo News
बलिउड फिल्म उँचाईले फिल्मफेयरमा सात विधामा नोमिनेशन
मुम्बई : सगरमाथा आरोहण विषयमा केन्द्रित रहेको बलिउड फिल्म उँचाईले फिल्मफेयरमा सात विधामा नोमिनेशनमा परेको छ। नेपालमा समेत छायाँकन गरिएको फिल्म फिल्मफेयरको ६८औं संस्करणका लागि नोमिनेशनमा परेको हो।
बलिउडहंगामाका अनुसार सर्वश्रेष्ठ फिल्म, सर्वश्रेष्ठ निर्देशक, सर्वश्रेष्ठ अभिनेता पुरुष, सर्वश्रेष्ठ संगीत, सर्वश्रेष्ठ कथा र सर्वश्रेष्ठ सम्बाद विधानमा नोमिनेशनमा परेको हो।
फिल्मलाई सुरज बर्जत्याले निर्देशन गरेका हुन्। गत नोभेम्बर ११ मा रिलिज भएको फिल्ममा अमिताभ बच्चन, अनुपम खेर, बोमन इरानी, डेनी, परिणिती चोपडा, निना गुप्ताको मुख्य अभिनय रहेको थियो। फिल्मले औषत ब्यापार गरेको थियो।
८ पीएचडी र ८५ जना एमफिलका विद्यार्थी काठमाडौं विश्वविद्यालयबाट दीक्षित
काभ्रे । काठमाडौं विश्वविद्यालयले ८ जना पीएचडी र ८५ जना एमफिलसहित १ हजार ६ सय ९९ जना विद्यार्थीलाई बिहीबार २८औँ दीक्षान्त समारोहबाट दीक्षित गरेको छ ।
दीक्षित भएकाहरूमध्ये १०.९५ प्रतिशत विदेशी विद्यार्थी रहेका छन् । विभिन्न सात विधाबाट दीक्षित यी विद्यार्थीलाई काठमाडौं विश्वविद्यालयका कुल पति समेत रहेका प्रधानमन्त्री शेरबहादुर देउवाले शपथ खुवाएर दीक्षित गरेका हुन् ।
प्रधानमन्त्री देउवाले काठमाडौं विश्वविद्यालयबाट उत्पादित दक्ष जनशक्तिले नेपालको मात्र नभएर विदेशमा समेत गरीमा उँचो राखेको भन्दै प्रशंसा गरेका छन् । उनले दीक्षित विद्यार्थीलाई देश र समाजको भलाइका लागि आफ्नो ज्ञान र सिपलाई इमानदारीताकासाथ सदुपयोग गर्न अनुरोध समेत गरेका छन् ।
वरिष्ठ फिजिसियन तथा मुटु रोग विशेषज्ञ डा. मृगेन्द्रराज पाण्डेको प्रमुख आतिथ्यमा भएको समारोहमा विभिन्न विधाका डिन र शिक्षा मन्त्री देवेन्द्र राज प
