पर्वतको क्वारेन्टिनमा एक वृद्धको मृत्यु
जनादेश, पर्वत ।
पर्वतको पैंयुँ गाउँपालिका वडा नं ६ को सामुदायिक क्वारेन्टिनमा बसेका एक वृद्धको मृत्यु भएको छ ।
गत असार १६ गते भारतबाट फर्किएर क्वारेन्टिनमा बसेका वृद्ध शुक्रबार बेलुका एक्कासी बेहोस भएका थिए । बेहोस भएलगत्तै गण्डकी स्वास्थ्य विज्ञान प्रतिष्ठान पुर्याइएका उनलाई थप उपचारका लागि पोखरा लैजादै गर्दा मृत्यु भएको हो ।
भारतबाट फर्किएका उनको कोरोना पिसिआर परीक्षण रिपोर्ट भने नेगेटिभ आएको थियो ।
मृतकको स्वाब संकलण गरी परीक्षणका लागि पठाइएको छ ।
