Uncategorized

जनादेश, काठमाडौँ । नेपाल प्रहरी प्रधान कार्यालय नक्सालमा कार्यरत चार जना प्रहरीमा कोरोना संक्रमण देखिएको छ । कोरोना संक्रमणको लक्षण देखिएपछि उनीहरूको स्वाब परीक्षणका लागि टेकु अस्पताल पठाइएकोे स्रोतले जनाएको छ । प्रहरी प्रधान कार्यालयको सवारी शाखाका ४ जनालाई कोरोन संक्रमण पुष्टि भएको हो । हालसम्म देशभर १२० जना प्रहरीमा कोरोना संक्रमण देखिएको छ भने १०० जना कोरोना मुक्त भइसकेका छन् ।

चन्द्रप्रकाश नेपाली घोराही। कोरोना भाईरसको संक्रमण फैलन नदिनका लागी गरिएको लकडाउनका कारण दाङमा सडक निर्माणको कार्यप्रगति न्युन भएको छ । सडक डिभिजन कार्यालय दाङका अनुसार गत आर्थिक वर्ष २०७६/०७७ मा कुल एक अर्व २८ करोड ३१ लाख रुपैया बजेट विनियोजन भएको हो । कुल बिनियोजित मध्ये ६१ प्रतिशत रकम खर्च भएको छ । बिनियोजित मध्ये ७९ करोड ३६ लाख १६ हजार रुपैया मात्र खर्च भएका हो । गत आर्थिक वर्ष २०७६/०७७ मा बिनियोजित मध्ये ३९ प्रतिशत रकम अर्थात ४८ करोड ९४ लाख ८२ हजार रुपैया खर्च हुन नसकेको कार्यालय सुचना अधिकृत खुमबहादुर भण्डारीले जानकारी दिनुभयो । यस्तै सरकारले चैत ११ गते लकडाउन शुरु हुनुभन्दा पछि म्याद सकिएका सबै आयोजनाहरुलाई ६ महिना ठेक्का समय थप गरेको छ भने लकडाउनभन्दा पहिले सम्झौता समय सकिएका तर काम पुरा नभएकाको हकमा भने कुनै निर्णय भएको छैन् ।  

जनादेश संवाददाता काठमाण्डौ ।सुनको मूल्य लगातार बढ्दै गएको छ । मूल्य बढ्ने क्रममा आइतबार सुन तोलामा ९६ हजार ३०० रुपैयाँमा कारोबार भएको छ । नेपाल सुनचाँदी व्यवसायी महासंघका अनुसार कारोबारको अन्तिम दिन शुक्रबारको तुलनामा सुनको मूल्य आज तोलामा रु ५०० बढेको हो । महासंघले शुक्रबार सुनको मूल्य तोलामा ९५ हजार ८०० कायम गरेको थियो । यस्तै आइतबार तेजावी सुनको मूल्य ९५ हजार ८६० रुपैयाँ कायम भएको छ । यस्तै चाँदीको मूल्य ११५५ रुपैयाँ प्रतितोलाका दरले कारोबार भएको छ ।  

तनहूँ । व्यास नगरपालिका वडा नं २ स्थित बुल्दीखोला छेउमा रहेको खानेपानीको धारामा जोखिम मोल्दै पानी भर्दै स्थानीय । तस्वीर ः सानेबहादुर नेपाली, रासस

पोखराको फेवाताल किनार चौतारीमा बिक्रीका लागि फलफूल काट्दै महिला । उहाँले फेवाताल घुम्न आएकाहरुलाई प्रति प्लेट एकसय रुपैयामा फलफूल बिक्री गर्दै आउनु भएको छ । तस्वीर ः जमुना वर्षा शर्मा, रासस

व्यास नगरपालिका वडा नं ५ बेनी पाटन निवासी भइरम बोटे माछा मार्ने जाल बुन्दै । उनीहरुको पुर्खौली पेसा माछा मार्ने भएपनि पछिल्लो समय तरकारी खेतीतर्फ आकर्षित हुँदै गएका छन् । तस्वीर ः सानेबहादुर नेपाली, रासस

दुई चालक सहित पुरिएको स्काभेटर, ट्रिपर र ट्याक्टरको उद्दारका लागि खटिएका ससस्त्र तथा प्रहरी टोली । बागलुङ नगरपालिका–१ रामरेखाको गणेशथान घुम्टी देखि निरयघाट सडकमा शनिबार राति खसेको सुख्खा पहिरोले पुरेको स्काभेटर, ट्रिपर र ट्याक्टर तथा दुई चालक समेत पुरेको छ। बागलुङ० रासस जनादेश बागलुङ । तस्वीर ः खेमराज गौतम, गलकोट बागलुङ नगरपालिका–१ निरयघाट नजिक खसेको पहिराले स्काभेटर, टिपर र ट्र्याक्टर पुरेको छ । गएराति साढे आठ बजे खसेको पहिरामा परी टिपर चालक निर्मल पुन र ट्र्याक्टर चालक रोशन नेपाली बेपत्ता भएको जिल्ला प्रहरी कार्यालयका प्रहरी निरीक्षक दीपक रिजालले जानकारी दिनुभयो । स्काभेटर चालक भने सम्पर्कमा आएको उहाँको भनाइ छ । ढुङ्गा, माटोसहितको गेग्रेटो उठाउने क्रममा एक्कासी खसेको पहिराले ध१च ४७ नंको ट्र्याक्टर र ग१ख ४६३७ नंको टिपर र स्काभेटर पुरिएको हो । स्काभेटरको नम्बर खुलेको छ

काठमाडौँ, काठमाडौँको न्युरोडमा शनिबार मेहेन्दी लगाउँदै युवती । तस्वीर ः चन्द्रकला क्षेत्री,रासस

एजेन्सी ।   स्पेनिस च्याम्पियन रियल म्याड्रिडका युवा मिडफिल्डरद्वय ताकेफुसा कुबो र रेनिएर कार्भाल्होले अर्को सिजन रियल म्याड्रिडबाट नखेल्ने देखिएको छ । स्पेनिस लिगको नियम अनुसार कुनैपनि टोलीले आफ्नो टोलीमा ५ जना र एकै खेलमा ३ जनामात्र युरोप बाहिरको खेलाडी खेलाउन पाउँछन् । हाल रियलमा उक्त कोटाबाट ब्राजिलका भिनीसियस जुनिअर, एडर मिलिसाओ र रोड्रीगो गोएस छन् । यसकारण रियलले कुबोलाई अर्को सिजन पनि लोनमा पठाउने सम्भावना देखिएको छ । युरोपका केहि ठूला टोलीले पनि उनीमाथि नजर राखेका छन् । यद्यपि कुनैपनि खेलाडीले लगातार दुई वर्ष स्पेनमै खेलेको खण्डमा भने उनीहरुले स्पेनी पासपोर्ट आवेदन दिन पाउनेछन् । भिनिसियस स्पेनी पासपोर्ट आवेदन दिन योग्य भइसक्दा पनि कोरोनाका कारण प्रक्रिया अगाडि बढ्न नसक्दा उनले समयमा नै पासपोर्ट नपाउने देखिएको छ । त्यसैले उनी अर्को सिजन कोटाबाट नै खेल्नेछन् ।